សារព័ត៌មាន Bloomberg បានចេញផ្សាយនៅថ្ងៃពុធនេះថា ប្រាក់ចំណូលរបស់ ByteDance ដែលជាក្រុមហ៊ុនមេធំរបស់ TikTok បានកើនឡើងប្រហែល ៦០ភាគរយកាលពីឆ្នាំ២០២៣ បើធៀបនឹងឆ្នាំ២០២២។

ប្រាក់ចំណូលរបស់ក្រុមហ៊ុន ByteDance បានកើនឡើងពី ២៥ពាន់លានដុល្លារក្នុងឆ្នាំ២០២២ ដល់ ៤០ពាន់លានដុល្លារក្នុងឆ្នាំ២០២២ ដោយបានផ្តួលគូប្រជែងក្រុមហ៊ុនអនឡាញធំៗរបស់ខ្លួន មានដូចជា Tencent និង Alibaba។ ការកើនឡើងប្រាក់ចំណូលជិតទ្វេដងនេះ ក៏ដោយសារតែ "TikTok Shop" ដែលបានជួយ ByteDance វាយលុកចូលទៅក្នុងទីផ្សារពាណិជ្ជកម្មអេឡិចត្រូនិកអន្តរជាតិ ទាំងនៅសហរដ្ឋអាមេរិក និងអាស៊ីអាគ្នេយ៍។